Somos Entrelas, un grupo vocal feminino de nove mulleres. Comezamos a nosa andadura a finais do 2011 na Coruña. Cada concerto ten a súa propia personalidade, a súa propia cor e a súa propia historia.

Ofrecemos música esencialmente do noso tempo, esa que moitas veces nos resulta familiar e nos trae lembranzas, cantada só por voces femininas que, ao unirse, crean un fermoso tecido sonoro onde a única protagonista é a voz.

O realmente importante para nós é a música. Trátase de gozar con ela cantando e de que o público tamén o faga.

Somos socias da Asociación Cultural Tres por Cuatro.